ایک نیوز:میانمار میں شدید زلزلے اور اسکے نتیجے میں پیدا ہونے والی صورتحال کے تناظر میں وزیرِا عظم شہباز شریف کی ہدایت پر این ڈی ایم اے کی جانب سے میانمار میں زلزلہ متاثرین کیلئے امدادی سامان روانہ کیا جائے گا۔

 آج اسلام آباد انٹرنیشنل ایئرپورٹ سے میانمار کیلئے امدادی سامان کی بڑی کھیپ لے کر ہوائی جہاز روانہ ہوگا ،پاکستان کی جانب سے امدادی سامان کی پہلی کھیپ میں 35 ٹن امدادی اشیاء شامل ہے، امدادی سامان میں 565خیمے، 210 ترپالیں، 2000 کمبل، 1ٹن تیار کھانا، 0.5 ٹن ادویات،10 واٹر ماڈیولز شامل ہے۔

وزیرِ اعظم کی ہدایت پر وفاقی وزیر برائے پارلیمانی امور ڈاکٹر طارق فضل چوہدری امدادی سامان کی اپنی نگرانی میں میانمار روانگی یقینی بنانے کیلئے اسلام آباد انٹرنیشنل ایئرپورٹ پر موجود ہونگے۔

 ینگون پہنچنے پر میانمار میں پاکستان کے سفیرسمیت اعلی سفارتی اہلکار سامان وصول کر کے میانمار کی وزارتِ سماجی بہبود و بحالی کے حوالے کریں گے۔